"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
ഏഷ്യയിലെ ഏറ്റവും നീളം കൂടിയതും ലോകത്തിലേ നീളം കൂടിയ നദികളിൽ മൂന്നാമത്തേതും ആയ യാംഗ്‌സ്റ്റേ കിയാംഗ് നദിക്ക് 6418 കിലോമീറ്ററാണ് നീളം. ടിബറ്റ് പീഠഭൂമിയിലെ ക്വിങ്ഹായ് പ്രദേശത്തെ ഹിമാനികളിൽ നിന്നാണ് ഇത് ഉദ്ഭവിക്കുന്നത്. ഇത് ഒരു രാജ്യത്തെയും സംസ്‌ക്കാരത്തെയും നിലനിർത്തുന്നു. ലോകത്തിൻറെ എന്നല്ല, മാനവരാശിയുടെ തന്നെ ഏറ്റവും വലിയ പരിഷ്‌കൃതമായ ആവാസകേന്ദ്രങ്ങൾ ഉൾക്കൊള്ളുന്ന ചൈനയാണ് ആ മഹാരാജ്യം. ഏതൊരു രാജ്യത്തെയും സാമൂഹികമായും സാംസ്‌ക്കാരികമായും സാമ്പത്തികമായും വെല്ലുവിളിക്കാൻ ശേഷിയുള്ള ഈ രാജ്യം ഇരുപത്തൊന്നാം നൂറ്റാണ്ടിലെ വിസ്മയമാണെന്നു പറയാതിരിക്കാൻ വയ്യ. വൻമതിലുകളുടെ ഇരുമ്പു മറയ്ക്കുള്ളിലെ നിഗൂഢതയുടെ ലോകം. അതേസമയം, തന്നെ മാനവ സംസ്‌കൃതിയുടെ പ്രധാന ഈറ്റില്ലങ്ങളിലൊന്ന്. അച്ചടി മണി പുരളുന്ന ഈ കടലാസ് അടക്കം കണ്ടുപിടിക്കപ്പെട്ട നാട്. പുരാതന ചൈനയും ആധുനിക ചൈനയും വിരുദ്ധ ധ്രുവങ്ങളിലാണെന്നു വേണം പറയാൻ. ബൗദ്ധിക നിലവാരത്തിൽ പുലർത്തുന്ന സാമ്യമാണ് ഈ രണ്ടു കാലഘട്ടങ്ങളെയും തമ്മിൽ ബന്ധിപ്പിക്കുന്നത്. അന്നും ഇന്നും ലോകത്തിനു ചൈന പ്രധാനം തന്നെ.
കാരൂർ സോമൻ
നാലരപതിറ്റാണ്ടിനിടയില്‍ നാടകം, സംഗീത നാടകം, നോവല്‍, ബാലനോവല്‍, ഇംഗ്ലീഷ് നോവല്‍, കഥ, ചരിത്ര കഥ, കവിത, ലേഖനം, യാത്രാവിവരണം, ജീവചരിത്രം, ആത്മകഥ, ശാസ്ത്ര കായിക ടൂറിസം രംഗത്ത് അന്‍പത്തിയാറ് കൃതികള്‍. 1985 മുതല്‍ ഇറങ്ങിയ പുസ്തകങ്ങളുടെയെല്ലാം പേര് ‘ക’ യിലാണ് തുടങ്ങിയിരിക്കുന്നത്. ഇത് മലയാള സാഹിത്യ രംഗത്ത് ആദ്യവും അത്യപൂര്‍വ്വമായ സംഭവമാണ്. ഇതില്‍ മൂന്ന് പുസ്തകങ്ങളുടെ ഇംഗ്ലീഷ് പരിഭാഷയും ഇറങ്ങിയിട്ടുണ്ട്. 2012 ല്‍ മാധ്യമം ദിനപത്രത്തിന് വേണ്ടി ലണ്ടന്‍ ഒളിമ്പിക്സ് റിപ്പോര്‍ട്ട് ചെയ്തു. 2005 ല്‍ ലണ്ടനില്‍ നിന്ന് മലയാളത്തിലാദ്യമായി ‘പ്രവാസി മലയാളം’ മാസിക ആരംഭിച്ചു. മൂന്ന് കഥകള്‍ ഷോര്‍ട്ട് ഫിലിം ആയി. ഷോര്‍ട്ട് ഫിലിമിലും നാടകങ്ങളിലും അഭിനയിച്ചു. വേള്‍ഡ് മലയാളി കൗണ്‍സില്‍ മിഡില്‍ ഈസ്റ്റ് ആഫ്രിക്കയുടെ കലാസാംസ്കാരിക വിഭാഗം ചെയര്‍മാന്‍, ലോകത്തെ ഏറ്റവും വലിയ മലയാളി സംഘടനയായ ബ്രിട്ടനിലെ യുക്മയുടെ കലാസാഹിത്യ വിഭാഗം കണ്‍വീനര്‍, ജ്വാല മാഗസിന്‍ ചീഫ് എഡിറ്ററായും പ്രവര്‍ത്തിച്ചു. പല സ്വദേശ വിദേശ മാധ്യമങ്ങളുടെ പ്രതിനിധിയാണ്.
ഇപ്പോള്‍ ലിമ വേള്‍ഡ് ലൈബ്രറി.കോം (സാഹിത്യ ഓണ്‍ലൈന്‍) ചീഫ് എഡിറ്റര്‍, കാരൂര്‍ പബ്ലിക്കേഷന്‍സ്, ആമസോണ്‍ വഴി വിതരണം ചെയ്യുന്ന കാരൂര്‍ ഈ പേപ്പര്‍ പബ്ലിക്കേഷന്‍സ് മാനേജിങ് ഡയറക്ടര്‍ ആണ്. മുപ്പത്തിയഞ്ചു് രാജ്യങ്ങള്‍ സന്ദര്‍ശിച്ചു. കേരളം, ഗള്‍ഫ്, യൂറോപ്പ് അമേരിക്കന്‍ മാധ്യമങ്ങളില്‍ എഴുതുന്നു.
ഭാര്യ : ഓമന തീയാട്ട്കുന്നേല്‍, മക്കള്‍ : രാജീവ്, സിമ്മി, സിബിന്‍.
