அந்தணர்கள் தமிழகத்தில் தொடர்ந்து இருந்துவரும் பழமையான குடிகளில் ஒரு குடியினர். அவர்களது வாழ்க்கை முறைகள், பண்பாடு மற்றும் ஒழுக்க நெறிகள் இன்று பெரும்பாலும் மறந்துவிடப்பட்டுள்ளன.
இந்த நூல், தொல்காப்பியம் மற்றும் சங்க இலக்கியங்களில் உள்ள ஆதாரங்களைத் தொகுத்து, அந்தணர்கள் கடைபிடித்த கலாச்சார வழிகளையும், சமூகத்தில் அவர்கள் இருந்த நிலையையும் வெளிக்காட்டுகிறது.
பழமையான இலக்கியங்களான எட்டுத்தொகை, பத்துப்பாட்டு மற்றும் பதினெண்கீழ்கணக்கு நூல்கள் ஆகியவற்றை பயன்படுத்தி, ஒரு சமூகத்தின் அடையாளங்களை, பண்பாட்டு நெறிகளை மற்றும் ஒழுக்க உயர்வை காலச்சுவடுகளின் வழியாக காட்டுகிறது.
இந்நூல் எந்தச்சமூகத்தினரையும் தாழ்த்தாமல் வரலாற்றை இலக்கியச் சான்றுகளின் வெளிச்சத்தில் பார்க்க வைக்கிறது. தவறான புரிதல்களை சுத்தம் செய்து, மறைந்த பாரம்பரியத்தை மீண்டும் அறியவைக்கும் ஒரு ஆதரவு புத்தகமாக இது அமையும்.
அந்தணர்களின் மறைந்த பாரம்பரியத்தை அறிய விரும்பும் அனைவருக்கும், இந்த நூல் ஒரு பயணமாகும்.
Sorry we are currently not available in your region. Alternatively you can purchase from our partners
Write your review for this book (optional)
Review Deleted
Your review has been deleted and won’t appear on the book anymore.Sorry we are currently not available in your region. Alternatively you can purchase from our partners
தெ. உமாசங்கர்
இந்நூலின் ஆசிரியர் தெ. உமாசங்கர் அவர்கள், தமிழின் செம்மையான இலக்கிய மரபுகளை ஆராய்ந்து, அறியப்படாத கருத்துக்களை வெளிச்சம் பார்க்கச் செய்வதில் ஆழ்ந்த ஆர்வம் கொண்டவர். தமிழ் இலக்கியத்தில் முதுகலைப் பட்டம் (M.A. in Tamil Literature) பெற்றவர். தொல்காப்பியம், சங்க இலக்கியங்கள் மற்றும் பிற்காலத் தமிழ்நூல்களை பல ஆண்டுகளாக ஆராய்ந்து வருகிறார்.
அரசுத் துறையில், நில அளவைப் பிரிவில் 30 ஆண்டுகளுக்கும் மேலாகப் பணியாற்றியவர்.தொழிற்சங்க அனுபவம் பெற்றவர். ஓய்வு பெற்ற பின்னர், சங்க இலக்கியங்களை ஆராயும் முயற்சிகளில் ஈடுபட்டு வருகிறார்.
கல்லூரிக் காலத்திலிருந்தே தேசிய சிந்தனையும், இந்து மதத்தின் பாரம்பரிய மதிப்புகளையும், சமூகத்தில் நிலவும் அநீதிகளையும் சீர்செய்யும் நோக்கில் பல சமூக, மத, கலாச்சார இயக்கங்களில் பங்கேற்று வந்தவர்.
தமிழின் தொன்மை, அதன் பண்பாட்டு வளம், மற்றும் இலக்கியச் சான்றுகள் அடிப்படையிலான உண்மைகளைப் பரப்பும் பணியை மேற்கொள்வது அவரது நோக்கமாக உள்ளது.
வரலாற்றை வளைத்து காண்பிக்கும் காலத்தில், சான்றுகளுடன் கூடிய நெறியான பார்வையை வழங்குவதில் அவர் காட்டும் தீவிரம், இந்த நூலின் சிறப்பாகும்.
