నా పేరు అశోక్ కుమార్.
మీరు చదవబోయేది నా కథ.
మా నాన్నగారు మమ్మల్ని విడిచి వెళ్లిపోయిన 16 రోజుల తర్వాత మొదలైన కథ ఇది. 27 ఏళ్లుగా నన్ను పెంచిన నాన్న, నడక నేర్పిన నాన్న మాకు దూరమయ్యాక, ఆయనను నేను కొత్తగా చూడటం మొదలుపెట్టినప్పుడు మొదలైన కథ ఇది.
నాన్న చివరి రోజుల్లో సంతోషంగా ఉన్నారని నేను తెలుసుకున్న ఆ ఒక్క నిజం, నా జీవితాన్ని పూర్తిగా మార్చేసింది. ఆ నిజం నన్ను ఒక నిర్ణయం తీసుకునేలా చేసింది. ఆ నిర్ణయం నన్ను ప్రపంచం వైపు నడిపించింది.
అక్కడే మొదలైంది అసలు కథ. కొత్త ప్రదేశాలు, కొత్త మనుషులు, కొత్త పరిచయాలు. నాన్నను అర్థం చేసుకోవడానికి మొదలు పెట్టి, నన్ను నేను తెలుసుకుంటూ సాగిన కథ ఇది.
నాకే నేను కొత్తగా పరిచయం అయిన కథ ఇది.
ప్రపంచాన్ని నాకు పరిచయం చేసిన కథ ఇది.
ఇదే ఈ కథ.
నాన్న నుంచి మొదలై, నన్ను చేరుకున్న నా కథ.
vasanth pemmadi
Delete your review
Your review will be permanently removed from this book.
Write your review for this book (optional)
Review Deleted
Your review has been deleted and won’t appear on the book anymore.
వసంత్ పెమ్మాడి
వసంత్ పెమ్మాడి ఒక రచయిత. ఆయన కథలు చదివేవారిని వేరే లోకానికి తీసుకువెళ్లడం కన్నా, ఈ కథ ఎక్కడో జరుగుతోంది అనే భావన కలిగించడానికే ఆయన ఎక్కువగా ప్రయత్నిస్తాడు. 'మా నాన్న మురళీ కృష్ణ' ఆయన మూడవ పుస్తకం, మరియు ఇది పూర్తిగా తెలుగులో రాసిన మొదటి రచన.
ఈ కథ ద్వారా పాఠకులను ఆకట్టుకోవాలని కాదు, వారితో తన పాత్రలు అనుబంధం ఏర్పరచుకోవాలన్నదే వసంత్ పెమ్మాడి యొక్క ముఖ్య ఉద్దేశం. అందుకే ఎటువంటి కఠిన పదాలు లేకుండా, అలంకారాలు లేకుండా, మొత్తం కథను సాధారణ వాడుక భాషలోనే రాశాడు. చదువుతున్నప్పుడు "అక్కడ అలా జరిగిందా" అనే భావన తన పాఠకులలో వస్తే అదే ఆయన రచన సాధించిన విజయమని భావిస్తాడు.
మన రోజువారీ జీవితంలో తీసుకునే చిన్న నిర్ణయాలు మనల్ని ఎలా మారుస్తాయో చెప్పే ప్రయత్నమే ఆయన కథలు. ఈ పుస్తకం కూడా చిన్న నిర్ణయంతో మొదలై, పెద్ద ప్రయాణంగా మారిన కథ.
