एक परी आपले आकाशातले गाव सोडून पृथ्वीवर काही दिवसांसाठी वास्तव्यास येते. ती इथे येतेच मुळी आनंद वाटण्यासाठी. इथे ज्याच्या ज्याच्या सहवासात येते त्या प्रत्येकाला लळा लावते, स्नेहाचा-अगत्याचा वर्षाव करते. आपले इथले वास्तव्य खूप समरसून जगते. नवी कलाकौशल्य आत्मसात करते, नृत्य शिकते, चित्र काढायला लागते, लिहायला लागते, खूप वाचन करते, मनसोक्त भटकंती करते, बेकिंग करायला शिकते, जे स्वतः शिकले ते छोट्या मुलांना शिकवायची स्वप्न पाहते. मात्र दुर्दैवानं तिची परत जायची वेळ येताच स्वतःच चितारलेलं चित्र अर्ध्यावर सोडून निघून जाते... आणि इथे मात्र ज्या सर्वांसोबत धागे गुंफून जाते त्या सगळ्यांना दुःखाच्या सागरात बुडवून जाते...
ही एका परीची वाटणारी कथा आमच्या प्राचीची कथा आहे... ती अशीच होती... जेवढं जगली तेवढं आयुष्य समृद्धपणे जगली. तिच्या असण्याची एक स्वतःची ओळख होती...आज तिचे नसणे हीसुद्धा तिचीच एक नवी ओळख आहे...
हे पुस्तक फक्त प्राचीचे असले तरी फक्त प्राचीचे नाही... जगण्याच्या शाश्वत मूल्यांवर विश्वास ठेवणाऱ्या तरीही क्षणभंगुरतेची जाणीव असणाऱ्या सगळ्यांचे आहे...
प्राची कुलकर्णी नावाच्या एका अफाट आणि स्वच्छंद व्यक्तिमत्वाचा हा एक परिचय...
Write your review for this book (optional)
Review Deleted
Your review has been deleted and won’t appear on the book anymore.
सुनिल कुलकर्णी, सौ. रेखा सुनिल कुलकर्णी, Dipali Joshi
मी दिपाली जोशी. लहान मुलांचा मला अतिशय लळा.मी वकील असुनही छोट्यांसाठी एक पुस्तक विक्री केंद्र चालवते,पालक-मुले यांचे विविध विषयांवर कार्यशाळा घेते. यातुनच लिखाणाची आवड जोपासते.
हे माझे सहावे पुस्तक. या आधीच्या पाच पुस्तकांच्या प्रवासात लहान मुलांसाठी, महिलांसाठी ही लेखन केले.तसेच श्री.सुनील कुलकर्णी आणि सौ. रेखा कुलकर्णी यांच्या सोबत या पुस्तकावर काम करताना अनेक वेगवेगळ्या व्यक्तींच्या भाव भावनांचा भाग होता आले.
