"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
जगात जे उत्कृष्ट शासक होऊन गेले आहेत त्यांमध्ये छत्रपती शिवाजी महाराजांचे नाव आदरपूर्वक घेतले जाते व फक्त भारतीयच नव्हे तर विदेशी लेखकांनाही त्यांच्या चरित्राची भुरळ पडली आहे. शिवकाळाचे लिखित साधन म्हणजे शिवचरित्र व या चरित्रापासून प्रेरणा घेऊन कितीतरी महान लोक घडले व देशास घडवले. शिवकाळाचा अभ्यास करावयाचा म्हटला तर एक जन्मही पुरणे अशक्य आहे कारण याकाळाचे महत्व अथांग आहे आणि यातील प्रत्येक प्रसंग आपल्याला काहीतरी नवे शिकवतो त्यामुळे छत्रपती शिवाजी महाराजांवर भारतीय व विदेशी लेखकांनी विपुल लिखाण करण्याचा प्रयत्न केला तरीही आजही शिवकाळावर नव्याने लिखाण होतंच असते. या पुस्तकात शिवकाळातील परिचित व अपरिचित अशा प्रेरक प्रसंगाचा वेध घेण्यात आला आहे जे इतिहास अभ्यासकांना पूर्णपणे अपरिचित नसले तरी इतिहासाची आवड असणाऱ्या वाचकांच्या वाचनात फारसे येत नाहीत. या पुस्तकातील कथा वाचून वाचकांस ज्ञान व प्रेरणा मिळावी हाच उद्देश असून शिवचरित्राची ओढ असलेल्या वाचकांस हा प्रयत्न नक्की आवडेल अशी खात्री आहे.
सिद्धार्थ सोष्टे
सिद्धार्थ सोष्टे हे मराठी भाषेतील एक लेखक असून त्यांची इतिहास, पर्यटन व माहितीपर या विषयांवर पुस्तके प्रकाशित झाली आहेत.
