നമ്മുടെ ചെലവുകൾ വസ്തുക്കൾക്ക് വേണ്ടിയല്ല, പക്ഷേ അനുഭവങ്ങൾക്ക് വേണ്ടിയായിരിക്കണം എന്നത് വളരെ മുമ്പേ തന്നെ എന്നെ സ്വാധീനിച്ചിരുന്ന ഒരു ചിന്തയായിരുന്നു. വസ്തുക്കളെ നമ്മൾ എത്രമാത്രം കൊതിക്കുമെങ്കിലും അത് എന്തുതന്നെ ആയിക്കോട്ടേ, എത്ര വിലമതിച്ചതായാലും അത് തരുന്ന ആനന്ദം വളരെ ചുരുങ്ങിയ കാലം മാത്രമേ നിലനിൽക്കുകയുള്ളു. എന്നാൽ നമ്മൾക്കുണ്ടാകുന്ന അനുഭവങ്ങൾ, യാത്രകളിലൂടെയും അല്ലാതെയും ഉള്ളവ, നമ്മളെ എത്രമാത്രം സ്വാധീനിച്ചു എന്നതനുസരിച്ച്, നമ്മൾ വളരെക്കാലം ഓർത്തിരിക്കും.” ഒരു കന്നി എഴുത്തകാരന്റേതായിരുന്നില്ല ആ എഴുത്തുകൾ. ഇരുത്തം വന്ന ഒരു പ്രാസിംഗകന്റെ, സാമൂഹ്യപ്രവർത്തകന്റെ, പല നാടുകൾ കണ്ട് മനസ്സ് വിശാലമാക്കിയ ഒരു സഞ്ചാരിയുടെ, പലരുമായും നയപരമായ രീതിയിൽ ഇടപെട്ട് അവരെയെല്ലാം കൂടെ കൂട്ടിയ ഒരു ബാങ്ക് മേധാവിയുടെ, എല്ലാം കഴിവുകൾ സമന്വയിച്ച് തെയ്യാറാക്കിയ ഒരു പുസ്തകം. അമേരിക്കൻ യാത്രകളെ കൂടാതെ താൻ സഞ്ചരിച്ചിട്ടുള്ള യൂറോപ്യൻ നാടുകളിലെ വിസ്മയങ്ങളും ഇതിൽ ചേർത്തിട്ടുണ്ട്. യാത്ര പോയതെല്ലാം കാലഗണനാപരമായ രീതിയിൽ എഴുതിച്ചേർക്കാതെ ഓരോ രാജ്യങ്ങളിലും അവിടെയുള്ള സ്ഥലങ്ങളിലും ഓരോ യാത്രയിലും പോയപ്പോൾ കണ്ട കാഴ്ചകൾ ഒന്നിച്ചെഴുതിയത് ഭാവനാത്മകം തന്നെ. പല സ്ഥലങ്ങളിലേയും കാലാനുവർത്തിയായ മാറ്റങ്ങൾ താരതമ്യം ചെയ്യാൻ ഈ ശൈലി സഹായമായി.
Write your review for this book (optional)
Review Deleted
Your review has been deleted and won’t appear on the book anymore.
ബി ബാലഗോപാൽ
എറണാകുളം ജില്ലയിലെ നോർത്ത് പറവൂറിനടുത്ത് കെടാമംഗലം എന്ന ഗ്രാമത്തിൽ ജനനം. പ്രാഥമിക വിദ്യാഭ്യാസത്തിന് ശേഷം 21-ാം വയസ്സിൽ ഔദ്യോഗിക ജീവിതം ആരംഭിച്ചു. 2019-ൽ ഭാരതീയ സ്റ്റേറ്റ് ബാങ്കിൽ നിന്ന് അസിസ്റ്റന്റ് ജനറൽ മാനേജർ ആയി വിരമിച്ചു. ബാങ്കിംഗ്, വ്യക്തിത്വ വികസനം എന്നീ മേഖലകളിൽ പരിശീലകനായി ഇപ്പോഴും സജീവം. റോട്ടറി ഇന്റർനാഷണൽ, കേരള മാനേജ്മെന്റ് അസോസിയേഷൻ, റീജിയണൽ സ്പോർട്സ് സെന്റർ, കൊച്ചി എന്നിവയുടെ നേതൃസ്ഥാനങ്ങളിലൂടെ സാമൂഹിക രംഗത്ത് സജീവമായി തുടരുന്നു. ഭാര്യ റിട്ടയേർഡ് അദ്ധ്യാപിക ഗീത. കമ്പ്യൂട്ടർ പ്രൊഫഷണൽസ് ആയ മക്കൾ സച്ചിനും, സൂചിത്രയും അമേരിക്കയിൽ അവരുടെ കുടുംബവുമൊത്ത് താമസിക്കുന്നു
