நன்மங்கலம் வனப்பகுதியை ஒட்டிய குடியிருப்பில் ராதா என்கிற நபரின் வாய் கிழிக்கப்பட்டு பற்கள் உடைக்கப்பட்டு கொடூரமாக கொல்லப்படுகிறார். இந்த கொலையை விசாரிக்கும் இன்ஸ்பெக்டர் அகிலன் மற்றும் சப்-இன்ஸ்பெக்டர் ஜான் ஆகியோருக்கு இதே போல மேலும் சில கொலைகள் நடக்கும் என உணர்ந்து அதைத் தடுக்க முயல்கினறனர். ஆனாலும் தொடர்ச்சியாக வித்தியாசமான முறையில் அடுத்தடுத்து கொலைகள் அரங்கேறுகின்றன. இக்கொலைகளை செய்பவர் யார்? எதற்காக செய்கிறார் ? என அகிலனும் ஜானும் கண்டுபிடித்தார்களா என்பதே மீதிக்கதை.
விஜயகுமார் தமிழன்பன்
எழுத்தாளர் விஜயகுமார் தமிழன்பன் சென்னை அண்ணாப் பல்கலைக்கழகம் எம்.ஐ.டி வளாகத்தில் பொறியியலில் இளநிலை மற்றும் முதுநிலைப் பட்டம் பெற்றவர். பிறகு கலையின் மீதும் எழுத்தின் மீதும் ஏற்பட்ட ஈர்ப்பால் முழுவதுமாக கலைத்துறைக்குள் தன்னை ஈடுபடுத்திக் கொண்டார். இணைய வானொலி ஒன்றில் ரேடியோ ஜாக்கியாக தனது கலைக்காதலை துவக்கிய இவர் தற்போது சமூக வலைத்தளங்களில் பேச்சாளராகவும் எழுத்தாளராகவும் மற்றும் சில ஓ.டி.டி செயலிகளுக்கு குறும்படங்களையும், சமூக சிந்தனையுடைய நிகழ்ச்சிகளையும் இயக்கிவருகிறார். தற்போது திரைப்படத்திற்கான திரைக்கதையையும் அமைத்து வருகிறார்.
