சென்னையின் முக்கியப் பகுதிகளில் மணித் உடல் பாகங்கள் சிதைக்கப்பட்ட நிலையில் ஆங்காங்கே வீசப்படுகின்றன. இந்த கொலைகளை செய்வது யார் எனக் கண்டுபிடிக்க பல்லாவரம் இன்ஸ்பெக்டர் அகிலனும் சப்-இன்ஸ்பெக்டர் இப்ராஹிமும் களம் இறங்குகின்றனர்.இந்நிலையில் பள்ளிக்கரணையில் அமைந்துள்ள கிருபை இல்லத்தில் சங்கர் என்ற மாணவன் காணாமல் போகிறான். அவனைக் கண்டுபிடிக்க டிடெக்ட்டிவ் நவீனா விசாரணையில் இறங்குகிறார். இந்த கொலைகளை செய்வது யார், கொலை செய்து உடல்பாகங்கள் வீசப்பட்டதற்கான காரணம் என்ன, கிருபை இல்ல சங்கர் என்ன ஆனான் எனக் கண்டுபிடித்தார்களா?....
விஜயகுமார் தமிழன்பன்
எழுத்தாளர் விஜயகுமார் தமிழன்பன் சென்னை அண்ணாப் பல்கலைக்கழகம் எம்.ஐ.டி வளாகத்தில் பொறியியலில் இளநிலை மற்றும் முதுநிலைப் பட்டம் பெற்றவர். பிறகு கலையின் மீதும் எழுத்தின் மீதும் ஏற்பட்ட ஈர்ப்பால் முழுவதுமாக கலைத்துறைக்குள் தன்னை ஈடுபடுத்திக் கொண்டார். இணைய வானொலி ஒன்றில் ரேடியோ ஜாக்கியாக தனது கலைக்காதலை துவக்கிய இவர் தற்போது சமூக வலைத்தளங்களில் பேச்சாளராகவும் எழுத்தாளராகவும் மற்றும் சில ஓ.டி.டி செயலிகளுக்கு குறும்படங்களையும், சமூக சிந்தனையுடைய நிகழ்ச்சிகளையும் இயக்கிவருகிறார். தற்போது திரைப்படத்திற்கான திரைக்கதையையும் அமைத்து வருகிறார்.
