આ સંપાદનમાં મહેશ દવેના કુલ ૫૧ કાવ્યો ઉપરાંત એમના કાવ્યો પર લખાયેલ લેખો એમની સાથે ચર્ચાયેલ સાહિત્યિક પ્રશ્નો - મુલાકાત સ્વરૂપે પરિશિષ્ટ માં સમાવીને આ સંપાદનને શાસ્ત્રોક્ત સ્વરૂપ આપવાનો પ્રયત્ન કરવામાં આવ્યો છે. મહેશ દવેની આ ઘનવાદી કવિતાઓ ગુજરાતી સાહિત્યની પ્રારંભકાલીન ઘનવાદી કવિતા તરીકેનું ગૌરવ પ્રાપ્ત કરે છે. ગુજરાતી કવિતાને ઘનવાદનો સ્વાદ ચખાડનાર કવિ તરીકે મહેશ દવેનું સ્થાન અનેરું છે તેમાં મીનમેખ નથી.
Write your review for this book (optional)
Review Deleted
Your review has been deleted and won’t appear on the book anymore.
મહેશ બાલાશંકર દવે
પ્રોફેસર મહેશ બાલાશંકર દવેનો જન્મ તારીખ ૦૧-૦૮-૧૯૩૫, વતન રાજપુર તાલુકો કડી, જન્મ સ્થળ વાવોલ, ગાંધીનગર થયો હતો. તેઓએ મહારાજા સયાજીરાવ ગાયકવાડ યુનિવર્સિટી, વડોદરા માંથી સુરેશ જોશી જેવા ગુરુજન પાસેથી ગુજરાતી સાહિત્ય તેમજ વિશ્વ સાહિત્યનું શિક્ષણ મેળવ્યું અને એમ.એ થયા. અમદાવાદ આર્ટ્સ એન્ડ કોમર્સ કોલેજ માં ગુજરાતી ભાષા અને સાહિત્યનું ઘણા વર્ષો અધ્યાપન કરાવ્યું અને ૧૯૯૫માં તેઓ નિવૃત થયા. તેઓશ્રીએ "મને દ્રશ્યો દેખાય છે" એકાંકી સંગ્રહ, "મુકાબલો" અને "વહેતુ આકાશ" નામે વાર્તા સંગ્રહ અને "બીજો સૂર્ય" કાવ્ય સંગ્રહ આપ્યા અને તે ઘ્વારા ગુજરાતી સાહિત્ય પ્રવાહમાં અસ્તિત્વવાદ, ઘનવાદ (cubism) અને એબ્સર્ડ ની ટેકનિક વિશિષ્ટરૂપે પ્રયોજીને અભિભાવકોને એક નવો જ રસથાળ પિરસ્યો. "વહેતુ આકાશ" વાર્તા સંગ્રહને ગુજરાત સરકારનું અને "મને દ્રશ્યો દેખાય છે" એકાંકીને ગુજરાતી સાહિત્ય પરિષદનું પારિતોષિક પ્રાપ્ત થયેલ છે. તેઓશ્રી અત્યારે ૩૭, સાબરમતી સોસાયટી, ધર્મનગર,સાબરમતી, અમદાવાદ ખાતે નિવૃત જીવન ભારતીય સંગીત શ્રવણ દ્વારા તેમજ વાંચન અને યોગ જેવી પ્રવુતિ ઘ્વારા પસાર કરે છે.
