"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
ही कहाणी आहे अरण्यातल्या लॉकडाऊनची. जगाची उलथापालथ करून सोडणाऱ्या कोरोनाने शहरं जागीच गोठवली. पैसा आणि प्रगतीमागे धावणाऱ्या गतिमान माणसाच्या नाड्या आवळल्या. माणसाचा स्पर्शावरचा विश्वास फक्त उडवला नाही तर उध्वस्तही केला. निसर्गापासून माणसाने दूर जाऊ नये वगैरे चर्चांना वेग दिला पण ही कहाणी तुम्हाला त्या माणसांना भेटवते जी मुळातच निसर्गात राहतात; झाडं वेली पशु पक्षी आजही ज्यांच्या संस्कृतीचा भाग आहेत, त्या माणसांनादेखील लॉकडाऊनचे दिवस पाहावे लागलेत. हे कोरोना नावाचे गारुड एका जंगलात नेमकी कोणती उलथापालथ करते, धड रस्ताही नसलेल्या त्यांच्या जंगलवाटांनी पोलीस कसे पोहोचू शकले, डोळ्यात हिरवी स्वप्न घेऊन वादळवाऱ्याला भिडणाऱ्या अरण्यावासींना या कोरोनाच्या भयाने काय म्हणून वेठीस धरले याची कल्पनेपल्याड सुंदर सफर घडवणारी “कोरोण्यकांड” ही विशेष कादंबरी!
Novelette म्हणजेच लघुकादंबरी हा प्रायोगिक लेखनाचा वेगळा प्रकार हाताळणारी, शब्दसामर्थ्याने अघळपघळ मांडणीला छेद देणारी, निसर्गाच्या ताज्या भाषेत शहरीकरणाची विराणी मांडणारी ही अरण्यगाथा होय. कोरोनाचे पडसाद जगभर उमटत असता मराठी लेखणीतून वाचकांसमोर येणारी आणि लॉकडाऊनचे वास्तव मांडणारी कदाचित ही पहिलीच कादंबरी ठरेल.
मूळ मराठी कादंबरी प्रकाशित झाल्यानंतर सातच महिन्यात हिन्दी भाषांतराच्या माध्यमातून उपलब्ध झाली आणि देश विदेशातील मराठी आणि हिन्दी कानाकोपऱ्यांतील वाचकांच्या प्रेमास ती पात्र ठरतेय.
Write your review for this book (optional)
Review Deleted
Your review has been deleted and won’t appear on the book anymore.
प्राजक्ता गव्हाणे
प्राजक्ता गव्हाणे ओळखली जाते ती तिच्या लोकप्रिय ‘मराठी ब्रेथलेस’ या गीतासाठी. बेला शेंडे आणि डॉ. अमोल कोल्हेंनी सादर केलेलं हे गाणं मराठी संगीतप्रेमींसाठी पर्वणी ठरलं आणि पुढे लिम्का बुक ऑफ रेकॉर्डसमध्ये देखील २०१३ साली नोंदवलं गेलं. मराठी चित्रपट परिवाराचा ‘चित्रपदार्पण पुरस्कार’, ‘बेस्ट अल्बम ऑफ द इयर’ असे पुरस्कार प्राजक्ता - तेजस चव्हाण – शंकर जांभळकर या त्रिकुटाने पटकावले. ‘पसायदान आरोग्याचे’, ‘कण्हेरीच्या फुला’, जगप्रसिद्ध कन्नड ‘सोजुगादा’चं मराठी रुपांतरीत ‘शुभ्रचंपा पुष्पे गुंफिते’, ‘वाटे बाकी काही नाही’ अशा अनेक उत्तम गीतांची गीतकार असलेली प्राजक्ता ही तितक्याच ताकदीने तिची पुस्तकं देखील सादर करते.
‘एकदम बिनधास्त’ (२०१४), जर्मनमधून मराठीत भाषांतरीत ‘इल्जं इन वंडरलॅन्ड’ (२०१८), ‘कोरोण्यकांड’ मराठी (२०२०), ‘कोरोण्यकांड’ हिन्दी (२०२१), ‘आय हार्नेक्स्ड मायसेल्फ’ (२०२१) ही प्राजक्ताने लिहिलेली पुस्तके प्रसिद्ध आहेत. पुणेकर, फर्ग्युसोनियन असलेल्या प्राजक्ताने जर्मन भाषा आणि साहित्य विषयात पदवी आणि पदव्योत्तर शिक्षण घेतले असून लेखनाचे श्रेय ती तिच्या ज्ञान प्रबोधिनी शाळेला आणि साहित्यप्रेमी पालकांना देते. मराठी ही ज्ञानभाषा आहे, ती जपलीच पाहिजे; मातीशी नाळ घट्ट जोडली असताना लिहिणाऱ्याची नजर मात्र जागतिक साहित्याच्या क्षितीजावर स्थिर असली पाहिजे, अशी प्राजक्ताची धारणा आहे.
