"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
जनरेशन झी म्हणजे १९९७ ते २०१२ दरम्यान जन्मलेली पिढी. आज शाळा कॉलेजात असणाऱ्या या मुलांना इतर पिढ्यांपेक्षा कितीतरी पट जास्त सुख मिळालंय असं आपण सहज म्हणून जातो. सुखाच्या पावसात तृप्त असायला हवं ना मग या मुलांनी? सत्य वेगळं आहे. घुसमटणारी, कोंडमारा सहन करणारी अगदी आत्महत्यचं टोक गाठणारीदेखील हीच मुलं आहेत. कुणी म्हणेल की या पिढीला सुख टोचतंय! पण खरं हेच आहे की बदलत्या कुटुंब व्यवस्थेला सामोरं जाताना हडबडून गेली आहेत ही मुलं. त्यांना समजून घेण्याचा फिक्शनल प्रयत्न म्हणजे 'जनरेशन झी सिरीज'. एस्केपिझम हे या मालिकेतलं पाहिलं पुस्तक.
न्यूज चॅनेलमध्ये नोकरी करणाऱ्या आई वडिलांची मुलगी मिहिका अचानक घरातून पळून जाते. पळून जाण्यासाठी तिची लहान बहिण देविका तिला मदत करते. अगदी तिची ही सगळी गुपितं गुपितंच ठेवण्यापर्यंत सगळी. इथपर्यंत सगळं ठीक होतं, पण पुढे काय ? मिहिकाशिवाय जगणं? देविकाला आता करमेना! आपल्या बहिणीला शोधून पुन्हा घरी आणायचा ती निश्चय करते. सारा पोरखेळच तो! पण जसा ती बहिणीचा ठावठिकाणा शोधू लागते तस तसं मोठं भयावह सत्य समोर येतं. सत्य कसलं असत्यच सारं. तिचं आख्खं कुटूंब बुचकळ्यात पडलंय. का पळून गेली आहे मिहिका? आणि कुठे पळून गेलीये? आता फक्त देविकाच शोधून काढू शकते तिला. पण कशी?
वाचूया, जनरेशन झीला समजून घेताना वाचायलाच हवी अशी कथा.
Write your review for this book (optional)
Review Deleted
Your review has been deleted and won’t appear on the book anymore.
प्राजक्ता गव्हाणे
प्राजक्ता गव्हाणे ओळखली जाते ती तिच्या लोकप्रिय ‘मराठी ब्रेथलेस’ या गीतासाठी. बेला शेंडे आणि डॉ. अमोल कोल्हेंनी सादर केलेलं हे गाणं मराठी संगीतप्रेमींसाठी पर्वणी ठरलं आणि पुढे लिम्का बुक ऑफ रेकॉर्डसमध्ये देखील २०१३ साली नोंदवलं गेलं. मराठी चित्रपट परिवाराचा ‘चित्रपदार्पण पुरस्कार’, ‘बेस्ट अल्बम ऑफ द इयर’ असे पुरस्कार प्राजक्ता - तेजस चव्हाण – शंकर जांभळकर या त्रिकुटाने पटकावले. ‘पसायदान आरोग्याचे’, ‘कण्हेरीच्या फुला’, जगप्रसिद्ध कन्नड ‘सोजुगादा’चं मराठी रुपांतरीत ‘शुभ्रचंपा पुष्पे गुंफिते’, ‘वाटे बाकी काही नाही’ अशा अनेक उत्तम गीतांची गीतकार असलेली प्राजक्ता ही तितक्याच ताकदीने तिची पुस्तकं देखील सादर करते.
यशवंतराव चव्हाण प्रतिष्ठान, मुंबई यांनी शरदचंद्र पवार लिटररी फेलोशिप, २०२१-२०२२ साठी तिच्या काल्पनिक लेखनाची निवड केली आहे.
‘एकदम बिनधास्त’ (२०१४), ‘कोरोण्यकांड’ मराठी (२०२०), ‘कोरोण्यकांड’ हिन्दी (२०२१) ही प्राजक्ताने लिहिलेली पुस्तके वाचकांसाठी उपलब्ध आहेत. पुणेकर, फर्ग्युसोनियन असलेल्या प्राजक्ताने जर्मन भाषा आणि साहित्य विषयात पदवी आणि पदव्योत्तर शिक्षण घेतले असून लेखनाचे श्रेय ती तिच्या ज्ञान प्रबोधिनी शाळेला आणि साहित्यप्रेमी पालकांना देते. मराठी ही ज्ञानभाषा आहे, ती जपलीच पाहिजे; मातीशी नाळ घट्ट जोडली असताना लिहिणाऱ्याची नजर मात्र जागतिक साहित्याच्या क्षितीजावर स्थिर असली पाहिजे, अशी प्राजक्ताची धारणा आहे.
