"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
യൂറോപ്പിൽ നിന്നുള്ള ആദ്യ മലയാള നോവലായ "കാൽപ്പാടുകൾ" ഒരു മലയാളി പെൺകുട്ടി അറിയപ്പെടാത്ത ഭൂപടത്തിന്റ വഴികളിലൂടെ പ്രയാണം ചെയ്യുന്ന ജീവിതഗന്ധിയായ അനുഭങ്ങൾ പങ്കുവെക്കുന്ന നേരിന്റ് ഒരു സന്ദേശമാണ്. സമ്പന്നതയുടെ നടുക്കടലിൽ ജീവിക്കുമ്പോഴും ജീവിതത്തെ വേറിട്ട് കാണുന്ന കഥാപാത്രങ്ങളിലൂടെ മലയാള ഭാഷയുടെ ശക്തിയും സൗന്ദര്യവും കാവ്യല്മകമായി അവതരിപ്പിച്ചിരിക്കുന്നു. അമേരിക്കയിലെ പ്രമുഖ പത്രമായ "മലയാളം പത്ര൦", യൂറോപ്പിലെ "ബിലാത്തി", "കേരള ലിങ്ക്" പത്രങ്ങളിൽ പരമ്പരയായി പ്രസിദ്ധികരിച്ചു. ഈ നോവൽ പ്രസിദ്ധികരിച്ചത് പൂർണ പബ്ലിക്കേഷൻസ് ആണ്. സാഹിത്യ രംഗത്തെ പ്രമുഖരായ സി.രാധാകൃഷ്ണൻ, പി.വത്സലയുടെ വിലപ്പെട്ട അഭിപ്രായങ്ങൾ നോവലിൽ ഉൾപ്പെടുത്തിയിട്ടുണ്ട്.
കാരൂർ സോമൻ
ജനനം മാവേലിക്കര താലൂക്കിൽ താമരക്കുളം ചാരുംമൂട്. അച്ഛൻ കാരൂർ സാമൂവേൽ, അമ്മ റയിച്ചൽ സാമുവേൽ. പഠനം കേരളം, ന്യൂ ഡൽഹി. ഉത്തരേന്ത്യയിലും ഗൾഫിലും ജോലി ചെയ്തു. ഇപ്പോൾ ലണ്ടനിൽ. മലയാള മനോരമയുടെ ''ബാലരമ'' യിൽ കവിതകൾ എഴുതി, പഠിക്കുന്ന കാലത്ത് മനോരമയുടെ കേരള യുവസാഹിത്യ സഖ്യ അംഗം, ആകാശവാണി തിരുവനന്തപുരം, തൃശൂർ നിലയങ്ങൾ നാടകങ്ങൾ പ്രക്ഷേപണം ചെയ്തു. വിദ്യാർത്ഥിയായിരിക്കെ പോലീസിനെ വിമർശിച്ച് ''ഇരുളടഞ്ഞ താഴ്വര'' എന്ന നാടകം പഠിച്ചിരുന്ന വി.വി.എച്ച്. താമരക്കുളം സ്കൂളിൽ വാർഷികത്തിന് അവതരിപ്പിച്ച് ''ബെസ്റ്റ് ആക്ടർ'' സമ്മാനം നേടി. ആ നാടകം പോലീസുകാരെ പ്രകോപിപ്പിച്ചു. അവർ നക്സൽ ബന്ധം ആരോപിച്ചു കേസെടുത്ത് മാവേലിക്കര പോലീസ് സ്റ്റേഷനിൽ കൊണ്ടുപോയി മർദ്ദിച്ചു. പോലീസിന്റെ നോട്ടപ്പുള്ളിയായിരിക്കെ ഒളിച്ചോടി ബീഹാറിലെ റാഞ്ചിയിൽ ജേഷ്ഠന്റെയടുക്കലെത്തി. റാഞ്ചിയിൽ എയ്ഞ്ചൽ തീയറ്ററിനു വേണ്ടി നാടകങ്ങളും ഗാനങ്ങളും എഴുതി. ആദ്യ ജോലി റാഞ്ചി എക്സ്പ്രസ്സ് ദിനപത്രത്തിൽ.
