"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
Sirf pet bharne ki vidya hi vastvik vidya nahi hai ! kahin na kahin hamari shiksha pranali men chook hai, galti hai aur isiliye ham padhe-likhe shikshit lekin asafal aur berojgaar logon ki lambi chaudi fauj khadi karte jaa rahe hain ! dukh-kasht-vipdaon se loha lene ki takat, avichal rahne ka haunsla jis shiksha se mile vahi vastav men shiksha hai ! mata-pita apne bachchon ke bhitar chhupe hue hunar ko viksit karne men kewal sahyog karna hai ! har bachche ki apni-apni ruchi hai, swabhav hai, sahaj pravritti hai, shauk hai – kyon na usi shauk ko jindgi kaa pesha banane men ham sahyog Karen ! sachche shikshak kaa lakshya kewal vidyarthi ko maatr praman part aur degree mil jaye utna hi nahi hai. Use to yah sochna chahiye ki uski kaksha ka har vidyarthi swayam gyan se paripurn hokar samaj ko bhi apne gyan se prakashit kare. Shiksha bojh nahi, mauj ke liye hai. Pahle jindgi hai aur baad men shiksha. lekin jindgi se adhik shiksha ko itni ahmiyat de di gai ki shiksha me thodi si asafalta milte hi vidyarthi jindgi se haar maan lete hain aur atmahatya kar lete hain ! shiksha ko vyavsay ke roop men nahi balki manushya ke vyaktitv evam swasth samaj ke nirman men sahayroop banne kaa margdarshan karne men yah pustak avashya hi sahayroop siddh hogi. Shiksha ke bojh se dabkar jo vidyarthi jivan se haar jaate hain unka haunsla is pustak ko padhkar avashya buland hoga va atmahatya jaise ghor paap karne kaa nirnay chhodkar ve apne jivan kaa sahi nirman kar sakenge.
ohmmo
Is pustak ke lekhak ‘Ohmmo’ ek samajik evam aadhyatmik star ke lekhak hain. Usi ke sath ve ek aadhyatmik guru bhi hain. Unke dwara samaj upyogi anekon kitaben likhi gayi hain. Ve lekhan ke sath-sath manav seva men sadaiv sanlagn rahte hain. Samaj kaa mangal kaise ho ? isi dridh bhavna ke sath ve lekhan karte hain. Yah ‘Vartman Shiksha Men Shighr Parivartan Ki Avashyakta’ pustak ko bhi unhone isi asha ke sath samaj ko samarpit kiya hai ki vidyarthi evam mata-pita adhunik shiksha ke prabhav men aakar apne jivan ko udaseen va nirutsahi na banayen. Atmahatya se bachen.
