"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
தேர்தல் பணிக்காக ஒதுக்கப்பட்ட பணத்தை எடுத்து கொண்டு, காணாமல் போகின்றான் தீபக், அவனை தேடும் பணியில் ஈடுபடுகிறான் கலைமாறன். அவனது தேடுதலின் ஒவ்வொரு இடத்திலும் ஒவ்வொரு புதிய திருப்பம் உண்டாகிறது. இதேடலில் தீபக்கின் நண்பர்கள் மூவரை சந்தித்து அவர்களது கடந்த கால நிகழ்வுகள் குறித்து தெரிந்து கொள்கிறான்.
பணத்திற்காக தொடங்கிய இந்த தேடல் பல்வேறு திருப்பங்களை சந்தித்து, முற்றிலும் வேறு ஒரு கோணத்தில் நகர தொடங்கியது. அதற்கு முக்கிய காரணம் இந்த ஒட்டுமொத்த பிரச்சனையுமே 10வருடங்களுக்கு முன் இறந்து போன ஒரு பெண்ணை மையப்படுத்தி நிகழ்கிறது. அதிலும் குறிப்பாக தீபக்கின் நண்பர்கள் கூறிய கடந்த கால நிகழ்வுகள் சற்றே எதிர்மறையாக இருந்தது.
சுதர்சன் கோபால்
சுதர்சன் கோபால், மதுரையில் பிறந்து பொறியியலில் இளநிலை பட்டம் பெற்றவர். தனது பள்ளிப்பருவத்திலிருந்தே சிறுகதைகள் படிக்கும் ஆர்வம் அவரிடம் இருந்தது. கதைகள் மேல் அவர் கொண்டிருந்த ஆர்வத்தை அவரது பள்ளி ஆசிரியர் ஒருவர் தனது தனித்துவமான கதை சொல்லும் திறமையின் வாயிலாக அதிகப்படுத்தினார். அவரது கதை சொல்லும் கலையில் ஈர்க்கப்பட்ட சுதர்சன் தானும் அக்கலையை கற்றிட வேண்டுமென நினைத்தார். சாதாரண விசயத்தை கூட மிகவும் சுவாரசியமாக சொல்லும்போது தான் கேட்பவர்கள் அதனை முழு கவனத்தோடும், ஆர்வத்தோடும் கேட்பார்கள்.
தன் வாழ்வில் காணும், கேட்கும் சிறு சிறு சம்பவங்களை எல்லாம் தன்னுடைய சொந்த கற்பனைகளை புகுத்தி சுவாரசியமான சிறுகதைகளாக மாற்றும் கலையை அவர் கற்றுக்கொண்டார். தினசரி தனது வாழ்வில் காணும் மனிதர்களும், சம்பவங்களுமே பின்னாளில் கதைகளாக மாறியது.
நாட்கள் செல்ல செல்ல தனக்குள் இருக்கும் கதைகளை எழுத்து வடிவில் எழுத தொடங்கினார். அப்படி அவர் முதன்முதலாக எழுதிய "மீட்டாத வீணை தருகின்ற ராகம்" என்ற கதை தனது நண்பர்கள் வட்டத்தில் பெரிய வரவேற்பினை பெற்றது, அதுவே அவரை எழுத்தாளராக வேண்டும் என நினைக்க வைத்தது. விறுவிறுப்பான த்ரில்லர் கதைகள், காதல், அமானுஷ்யம் என பல தரப்பட்ட கதைகளை எழுதினார்.
