"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
தம்மபதம் (Dhammapadam) என்பது பெளத்த மதப் புனித இலக்கியங்களுள் ஒன்றாகும். கௌதம புத்தர் அருளிய அறவுரைகளும் முதலானவை பெளத்தத்தின் திரிபிடகங்கள் என்று அழைக்கப்படுகின்றன. அவைகள் சுத்தபிடகம், விநயபிடகம், அபிதம்மபிடகம் என்பவை ஆகும். இவற்றுள் சுத்த பிடகத்திலுள்ள ஐந்து பகுதிகளில், குத்தக நிகாயம் என்ற பகுதியில் தம்மபதம் என்ற இந்நூல் அமைந்துள்ளது. பாளி மொழியில் அமைந்த தம்மபதம் 26 அத்தியாயங்களும் 423 சூத்திரங்களும் கொண்டது. புத்த பெருமான் அவ்வப்போது கூறிய வாக்கியங்களாக அமைகின்றது. இதனால், பெளத்த சமயத்தவரின் பாராயண நூலாகவும், பிரமாண நூலாகவும் அமைகின்றது. தம்மபதம் என்பது அறவழி, அறநெறி, அறக்கொள்கை, அறக்கோட்பாடு எனப் பல பொருள்களில் வழங்கப்பெறுகின்றது.
உதய.கதிரவன்
உதய.கதிரவன் (கதிரவன் உதயகுமார்) பன்முகத் திறன் கொண்ட கவிஞர், பாடலாசிரியர் மற்றும் மொழிபெயர்ப்பாளர். சிரித்த முகத்தோடு வினையாற்றும் வேள்வியர் உதய.கதிரவன் தேர்ந்த துறையில் தெளிந்து உழைக்கும் திண்மையர். எண்ணியது முடிக்கும் எழுச்சியர். தொட்டதெல்லாம் துலங்க வைக்கும் துடிப்பினர்.
இளமையிலிருந்தே எந்த அணி வகுப்பிலும் தன் முகமே முதல் முகமாக்கும் ஆள்வினை ஆற்றலர். ஆங்கிலச் சூழலில் வாழ்ந்தாலும் தமிழ்த்தவம் அவருக்கு அதிகம் பிடிக்கும். எங்கும் ஒதுங்காமல் எவரையும் ஒதுக்காமல் மனித சங்கமம் இலக்காகக் கொண்ட கதிரவன் தமிழினம், தமிழ் இலக்கியம் எனும் பதாகையை உயர்த்திப் பார்ப்பவர்.
தமிழ்ச் சமூக உயர்வழியில் தன் கவிதைக்கும் பதிவினைத் தேடி நிற்கும் கதிரவன் இன்னும் கல்வெட்டுப் பதிவுகளைக் கட்டாயம் தருவார்.
சமகாலச் சூழலுக்குப் பொருந்தக்கூடிய பழங்காலப் படைப்புகளின் மொழிபெயர்ப்பின் மூலம் பல்வேறு வகையான பங்களிப்புகளில் இலக்கியம் மற்றும் கலைப் படைப்புகளில் புதிய பரிமாணங்களை ஆராய்ந்து வருகிறார்.
அவரது கவிதை வெளியீடுகள்:
1. கதிரின் கவிதைகள் (2018)
2. ஆண்பாவம் (2020)
3. சுருக்குப்பை (2020)
4. Jingle and Tingle (2020)
5. Pensive (2020)
6. Thought Shower (2021)
7. வாலறிவன் (2023)
8. iCues (2023)
மொழிபெயர்ப்புகள்:
1. போர்க்கலை - ‘The Art of War by Sun Tzu’ (2019)
2. கபீர் கவிதைகள் (2021
3. ரூமி கவிதைகள் (2021)
4. ஜிப்ரான் கவிதைகள் (2021)
5. ஆட்சிக்கலை – ‘The Prince by Niccolo Machiavelli’ (2022)
6. தாவோ தே சிங் – Tao-Te-Ching (2024)
7. தம்மபதம் . Dhammapadam (2024)
