10 Years of Celebrating Indie Authors
"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
ಅಂತಃಪ್ರಜ್ಞೆ
ಸಂಸ್ಕೃತಿ, ಸಂಸ್ಕಾರ, ಶಿಸ್ತು, ಸಂಯಮ ಸಹನೆ, ಸತ್ವ, ಶ್ರಮ, ಸ್ನೇಹ,
ಸತ್ಯ ಹೀಗೆ ಶಿಲ್ಪಿಯ ಸೃಷ್ಟಿಯೆಂಬಂತೆ ಕಡೆದು ತಿದ್ದಿ ತೀಡಿ
ಸಾಕಾರಗೊಂಡಿತ್ತು ಒಂದು ಭವ್ಯ ಮೂರ್ತಿ.
ಜನರ ಹಾವ, ಭಾವ, ರೀತಿ, ರಿವಾಜು, ನಡೆ, ನುಡಿ, ಕೃತಿ,
ಕಾರ್ಯಗಳ ನಗ್ನ ದರ್ಶನ ಬದುಕಿನ ಹಲವಾರು ಮಜಲು,
ಮಗ್ಗಲುಗಳ ಬಯಲುಗೊಳಿಸಿತ್ತು.
ಇವೆರಡರ ತೀಕ್ಷ್ಣ ಸಂಘರ್ಷದ ಪೆಟ್ಟುಗಳು ಭವ್ಯಮೂರ್ತಿಯನು
ಭಗ್ನಗೊಳಿಸಿ ನಾಮಾವಶೇಷ ಮಾಡುವ ಮುನ್ನ ಎಚ್ಚೆತ್ತುಕೊಂಡಿತ್ತು
ನಿಷ್ಕಪಟ, ನಿಷ್ಕಲ್ಮಶ, ನಿರ್ಮಲ, ಮುಗ್ಧ ಮನಸ್ಸು
"ವಿದ್ಯಾಸ್ವರೂಪ್"
ಅನಾಮಿಕ !!
ಪ್ರಾಣಿ, ಪಕ್ಷಿಗಳಿಗಿಲ್ಲ ಹೆಸರು. ಗಿಡ ಮರಗಗಳಿಗಿಲ್ಲ ಹೆಸರು.
ಹೂವು, ಹಣ್ಣುಗಳಿಗಿಲ್ಲ ಹೆಸರು. ಬೆಟ್ಟ, ಗುಡ್ಡಗಳಿಗಿಲ್ಲ ಹೆಸರು.
ಊರು, ಕೇರಿ, ಹಾದಿ, ಬೀದಿ, ನದಿ, ವನ ಹೀಗೆ ಎಲ್ಲದಕ್ಕೂ
ಹೆಸರಿಟ್ಟವ ಮಾನವ, ತಾನು ಗುರುತಿಸುವಿಕೆ ಸುಲಭ
ಮಾಡಿಕೊಳ್ಳಲು.
ಸಂಗೀತಕ್ಕೆ ತಾನ್ ಸೇನ್, ನೃತ್ಯಕ್ಕೆ ಶಾಂತಲೆ,
ಶಿಲ್ಪಿಗೆ ಜಕಣಾಚಾರಿ, ಚಿತ್ರಕಲೆಗೆ ಮೈಕೆಲೇಂಜಾಲೊ
ಹೀಗೆ ಯಾವುದದಾರೂ ಸಾಧನೆಯೊಡನೆ ಗುರುತಿಸಿ
ಶಾಶ್ವತ ನೆಲೆ ಕಂಡುಕೊಳ್ಳುವಂತಿರಬೇಕು ಹೆಸರು.
ಜಾತಕದಲ್ಲಿ ಕೂಡಿಬಂದದ್ದು, ಪೋಷಕರು ಇಟ್ಟಿದ್ದು,
ಗೆಳೆಯರು ಗೇಲಿಗೆ ಕರೆದದ್ದು, ಇನ್ಯಾವುದೋ ಕಾರಣಕ್ಕೆ
ಸಮಾಜ ಬಲವಂತವಾಗಿ ಹೇರಿದ ಅಡ್ಡಹೆಸರುಗಳ್ಯಾವುವು
ನನ್ನ ಅನ್ವರ್ಥನಾಮವಲ್ಲ !!
ಈ ಸ್ಥಿತಿಯಲ್ಲಿ, ಇದ್ಯಾವುದರ ನೆಲೆಗಟ್ಟಿನಲ್ಲಿ ತಳುಕು
ಹಾಕಿಕೊಳ್ಳದೇ ಉಳಿಯಲಿಚ್ಚಿಸುವ ನಾನು -
ಅನಾಮಧೇಯ !!
