"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
ಉಡುಪಿ ಜಿಲ್ಲೆಯ ಪುರಾತನ ಶಿವ ದೇವಾಲಯಗಳನ್ನು ಈ ಪುಸ್ತಕದಲ್ಲಿ ಸಂಕ್ಷಿಪ್ತವಾಗಿ ಪರಿಚಯಿಸಲಾಗಿದೆ. ಈ ದೇಗುಲಗಳನ್ನು ಏಳನೇ ಶತಮಾನದಿಂದ ಹದಿನಾರನೇ ಶತಮಾನದ ನಡುವಿನ ಕಾಲಘಟ್ಟದಲ್ಲಿ ನಿರ್ಮಿಸಲಾಗಿದ್ದು ಅಳುಪರಿಂದ, ತಮ್ಮ ಸಾಮಂತರ ಮೂಲಕ ವಿಜಯನಗರ ಸಾಮ್ರಾಟರಿಂದ ಮತ್ತು ಕೆಳದಿ ದೊರೆಗಳಿಂದ ಪೋಷಿಸಲ್ಪಟ್ಟಿವೆ. ಲಭ್ಯವಿರುವ ದಾಖಲೆಗಳ ಪ್ರಕಾರ ಹತ್ತು ಶತಮಾನಗಳವರೆಗೆ ಶಿವ ಭಕ್ತರ ಮೂಲಕ ಜಿಲ್ಲೆಯಲ್ಲಿ ಅಸಂಖ್ಯಾತ ದೇವಾಲಯಗಳು ನಿರ್ಮಿಸಲ್ಪಟ್ಟಿವೆ. ಇವುಗಳಲ್ಲಿ ನೂರಕ್ಕೂ ಮಿಕ್ಕಿ ದೇಗುಲಗಳು ಸಕ್ರಿಯ ಧಾರ್ಮಿಕ ಕೇಂದ್ರಗಳಾಗಿ ಇನ್ನೂ ಧರ್ಮದ ದೀವಿಗೆಯನ್ನು ಬೆಳಗುತ್ತಿರುವುದು ನಮ್ಮ ಅದೃಷ್ಟ.
ರಾಜೇಶ ನಾಯ್ಕ
ರಾಜೇಶ ನಾಯ್ಕ ಇವರು ಕಳೆದ ಹದಿನೈದು ವರ್ಷಗಳಿಂದ ರಾಜ್ಯದ ಪ್ರಾಚೀನ ದೇವಾಲಯಗಳಿಗೆ ಭೇಟಿಯಿತ್ತು ಅನುಭವ ಉಳ್ಳವರು. ದೇವಾಲಯಗಳ ಮಾಹಿತಿ ಸಂಗ್ರಹಣೆ ಮಾಡಿ ಅವನ್ನು ದಾಖಲಿಸುವುದು ಅವರ ಹವ್ಯಾಸ. ಪ್ರತಿಯೊಂದು ಪುರಾತನ ದೇವಾಲಯವು ನಮ್ಮ ಇತಿಹಾಸದ ಏನಾದರೊಂದು ವಿಷಯವನ್ನು ತನ್ನಲ್ಲಿ ಅಡಗಿಸಿಕೊಂಡು ಇಟ್ಟಿರುತ್ತದೆ. ಅದನ್ನು ಅರಿಯುವ ಮತ್ತು ತಿಳಿಯುವ ಆಸಕ್ತಿ ಮತ್ತು ಉತ್ಸಾಹ ಇರಬೇಕು ಎಂದು ಹೇಳುವ ಲೇಖಕರಿಗೆ ಇಂತಹ ದೇವಾಲಯಗಳನ್ನು ಹುಡುಕಿಕೊಂಡು ಪ್ರಯಾಣಕ್ಕೆ ಹೊರಡುವುದು ಬಹಳ ಅಚ್ಚುಮೆಚ್ಚು. ಪ್ರತೀ ಸಲವೂ ದೇವಾಲಯ ಯಾತ್ರೆಗೆ ತೆರಳಿದಾಗ ಜ್ಞಾನ ವೃದ್ಧಿಸುತ್ತದೆ, ಶಿಲ್ಪಕಲೆಯ ಬಗ್ಗೆ ಆಸಕ್ತಿ ಇನ್ನಷ್ಟು ಹೆಚ್ಚುತ್ತದೆ, ಶಿಲ್ಪ ಲಕ್ಷಣಗಳ ಕುರಿತು ಇನ್ನಷ್ಟು ಅರಿವು ಮೂಡುತ್ತದೆ ಹಾಗೂ ಸನಾತನ ಧರ್ಮದ ಭವ್ಯ ಇತಿಹಾಸದ ಕುರಿತು ಇನ್ನಷ್ಟು ಹೆಮ್ಮೆಯೆನಿಸುತ್ತದೆ. ದೇವಸ್ಥಾನಗಳು ಜ್ಞಾನ ಭಂಡಾರಗಳು. ಇಲ್ಲಿ ಕಲಿತರೆ ಕಲಿತಷ್ಟು ಇದೆ, ಕಲಿಯುವವರು ಬೇಕು ಎನ್ನುವುದು ಲೇಖಕರ ಅಭಿಪ್ರಾಯ.
