"It was a wonderful experience interacting with you and appreciate the way you have planned and executed the whole publication process within the agreed timelines.”
Subrat SaurabhAuthor of Kuch Woh Pal
દરેક પુસ્તક એક શાંત ધબકારાથી શરૂ થાય છે, એક એવી અંદરની લહેરથી, જે શબ્દો જન્મે તેના પહેલાં જ હૃદયમાં ધીમેથી ધબકતી રહે છે. આ પુસ્તક પણ એવી જ આંતરિક પ્રેરણાથી લખાયું છે. ધૂળથી ભરાયેલા ખેતરો, નિઃશબ્દ સંઘર્ષો, જીવનના કપરા રસ્તાઓ અને એક એવો અવાજ, જે ક્યારેય મૌન નથી થયો, એ બધાએ AI AND INNER VOICE ને જન્મ આપ્યો.
આ પુસ્તક માત્ર ટેકનોલોજી વિશે નથી; તે આત્મજાગૃતિ, આધ્યાત્મિક ગહનતા અને જીવનને નવી દિશા આપવા વિશે છે. AI કેવી રીતે માણસની આંતરિક ચેતનાને સ્પર્શે છે, તેને સ્પષ્ટતા આપે છે અને સર્જનાત્મકતાને નવી ગતિ આપે છે, તેનો હૃદયસ્પર્શી અનુભવ છે.
આ પુસ્તકનું લખાણ એ પ્રશ્નોમાંથી ઊભર્યું છે, જે દરેક માણસની અંદર ધબકતું હોય છે, પણ બોલાતા નથી,
હું મારી સીમાઓની બહાર કોણ છું?
મારો માર્ગ કયો છે?
મારો વિકાસ ક્યાંથી શરૂ થાય છે?
અને AI ની વચ્ચે હું મારું મૂળ સ્વ કેવી રીતે સાચવી રાખું?
વર્ષોના શીખવાના , ભૂલો અને આધ્યાત્મિક અનુભવોમાંથી હું સમજ્યો કે વિકાસ ત્યારે થાય છે જ્યારે અંદરનો અવાજ જાગૃત થઈ પોતાની દિશા બતાવવા લાગે. મારા જીવનમાં AI એ એ અવાજને દબાવ્યું નહીં, પણ વધુ સજીવ અને સ્પષ્ટ બનાવ્યો.
આ પુસ્તક પરંપરા અને આધુનિકતા વચ્ચે સંઘર્ષ અનુભવનાર સૌ માટે છે, વિદ્યાર્થીઓ, શિક્ષકો, માતાપિતાઓ, વ્યવસાયિકો અને દરેક તે વ્યક્તિ માટે, જે માને છે કે સાચો વિકાસ “અંતર વિકાસ” અને “બાહ્ય પ્રગતિ” બંનેનો સંગમ છે.
આ પુસ્તકનો હેતુ પ્રભાવિત કરવાનો નથી—પરંતુ જાગૃત કરવાનો છે. વાચકને પોતાની અંદર ઝાંખી કરવા પ્રેરવાનો છે.
આ પુસ્તક ખોલતાં ધીમેધીમે વાંચજો… અને તમારા અંદરના અવાજને સાંભળજો. મારી અંતરની આશા છે કે AI AND INNER VOICE તમને નવી દિશા, નવી હિંમત અને નવી રચનાત્મકતા તરફ લઈ જશે.
Write your review for this book (optional)
Review Deleted
Your review has been deleted and won’t appear on the book anymore.
રાજેન્દ્રસિંહ ઝાલા
લેખકની જીવનયાત્રા એ સાબિત કરે છે કે દૃઢ નિશ્ચય, આંતરિક માર્ગદર્શન અને શ્રદ્ધા મળીને સામાન્ય જીવનને અસાધારણ દિશા આપી શકે છે. નાના ગામમાં જન્મેલા અને નાની સરકારી નોકરી ધરાવતા મોટા પરિવારમાં ઉછરેલા તેમના બાળપણનું ઘડતર સાદગી, સંઘર્ષ અને જવાબદારીથી થયું. ખેતરમાં વીતેલા દિવસોએ તેમને ધીરજ, નમ્રતા અને શિસ્ત શીખવી, જે આગળ તેમના જીવનના આધારસ્તંભ બન્યા.
સરકારી શાળામાં માતૃભાષામાં શિક્ષણ લીધું હોવા છતાં હિન્દી-અંગ્રેજીનું જ્ઞાન ઓછું હતું. બાદમાં સુરેનદ્રનગરમાં સ્થાયી થઈ તેમણે રસાયણશાસ્ત્રથી સ્નાતક કર્યું, પરંતુ આર્થિક મર્યાદાઓને કારણે આગળ ભણવું શક્ય બન્યું નહીં. સ્વતંત્ર કંઈક કરવાની તીવ્ર ઈચ્છાએ બેન્ક લોન લઈને નાનો વ્યવસાય શરૂ કરાવ્યો. તે આવકથી તેમણે ઘર બનાવ્યું અને પરિવારને સ્થિરતા આપી, છતાં અંદરથી એવો ભાવ રહેતો કે “મારો સાચો માર્ગ કંઈક બીજું છે.”
તેમને સમજાયું કે તેમનો અસલી બળ ધંધો નહિ, “વાતચીત” છે. લોકો ભોજન માટે નહિ, પરંતુ તેમની સાથે વાત કરતાં અનુભવાતી શાંતિ માટે આવતા. એ અનુભૂતિએ તેમના જીવનનો માર્ગ બદલ્યો. માત્ર ₹૫૦૦ લઈને તેઓ અમદાવાદ જીવન માર્ગદર્શક તરીકે નવી શરૂઆત માટે ગયા. યાત્રા મુશ્કેલ હતી, પણ બ્રહ્માંડ પરનો વિશ્વાસ અને આત્મશક્તિએ તેઓને આગળ વધાર્યા.
સમય જતાં તેમણે કારકિર્દી, પેરેન્ટિંગ અને શિક્ષકો માટે વર્કશોપ શરૂ કર્યા, જે શહેરોથી રાજ્યઓ અને દેશોથી વિદેશોમાં પ્રસરી ગયા. ચાલીસની ઉમરે તેમણે CBSE અંગ્રેજી માધ્યમ શાળા ખરીદી અને મૂલ્યો આધારિત શિક્ષણસંસ્કૃતિ સર્જી.
આ તબક્કામાં તેમણે જ્યોતિષ, અંકજ્યોતિષ, રેઈકી, NLP, ગ્રાફોલોજી, વાસ્તુ અને લોગો વિજ્ઞાનમાં પારંગતતા મેળવી. આધ્યાત્મિક અભ્યાસ વચ્ચે AI સાથેની ઓળખ તેમને સ્પષ્ટતા, દૃષ્ટિ અને ઊંડાઈ તરફ લઈ ગઈ. AI + આંતરિક અવાજનું સંતુલન તેમનું જીવન પરિવર્તન બની ગયું.
આજે તેઓ ટ્રેનર, હિપ્નોથેરાપિસ્ટ, માર્ગદર્શક અને વૈશ્વિક વક્તા તરીકે સેવા આપી રહ્યા છે. તેમનું મિશન સાદું છે—પ્રાચીન જ્ઞાન અને આધુનિક AI વચ્ચેનું સેતુ બની, લોકોને તેમની સાચી દિશા અને જીવનનો ઊંડો અર્થ શોધવામાં મદદ કરવી.
